«Спеў пра Раство, дум хараство». Паглядзіце, як неверагодна заспявалі знакаміты «Шчэдрык» па-беларуску

24 снежня 2022 у 1671868080
«Зеркало»

Напярэдадні Раства мінскія музыканты апублікавалі новую беларускую версію знакамітага украінскага «Шчэдрыка», ці Carol of the bells - адной з самых вядомых калядных песень у свеце. Толькі за першыя паўдня відэа сабрала больш за чатыры тысячы праглядаў на старонцы аўтаркі і больш за сотню рэпостаў.

Скриншот видео

Версію а капэла запісалі пяць вакалістаў, яшчэ адзін чалавек выконваў бітбокс-партыю. Ніякіх музычных інструментаў пры запісе не выкарыстоўвалася.

Для тых, хто захоча развучыць і заспяваць песню самастойна, аўтары кавэра апублікавалі тэкст - гэта новы пераклад, які іх каманда падрыхтавала адмыслова для свайго кавера.

Слухай, звіняць,

Званы звіняць!

Пяюць удалеч,

Сум гоняць прэч.

Прыйшло Раство,

Цуд прынясло.

Дзецям малым,

Людзям сталым.

Дзінь-дон, дзінь-дон,

Чароўны звон!

Спеў пра Раство,

Дум хараство!

Зычым дабра

Вам і сябрам!

Шчасця ў дом!

Разам спяём.

Званы звіняць,

Гукі ляцяць

Да вас, сябры,

Ва ўсе двары.

Хопіць сядзець,

Давайце пець!

Раство прыйшло,

Мір прынясло!

Свята, свята, свята, свята блізка!

Тыя званы

Здалёк чутны.

Свята ў нас,

Радасці час!

Гэта, вядома, далёка не першая беларуская версія «Шчэдрыка», песню раней не раз перакладалі і спявалі розныя калектывы. Напрыклад, існуюць варыянты ў выкананні хору «Канкордыя» і хору мінскай пратэстанцкай царквы «Ян Прадвесьнік».

Сусветна вядомая калядная песня «Шчэдрык», у англійскай версіі - Carol of the bells, была створаная ўкраінскім кампазітарам Міколам Леантовічам у пачатку ХХ стагоддзя, ён працаваў над ёй больш за 20 гадоў.

Нядаўна сваім выкананнем «Шчэдрыку» ўразілі вайскоўцы НАТА - яны запісалі свой кавэр у заснежаным латвійскім лесе.