Праваабаронцы: За некалькі дзён на мяжы затрымалі мінімум 20 дальнабойшчыкаў
20 студзеня 2025 у 1737366540
Фёдар Азёрскі / «Зеркало»
На мяжы за апошнія некалькі дзён затрымалі мінімум 20 дальнабойшчыкаў, паведамляе тэлеграм-канал «Суды, задержания. Гродно и область».
«Нам пішуць пра затрыманне не менш чым 20 дальнабойшчыкаў падчас праходжання мяжы за апошнія некалькі дзён. У кіроўцаў правяралі мабільныя тэлефоны, шукалі лайкі, падпіскі і каментары на "экстрэмісцкіх" рэсурсах», - пішуць праваабаронцы.
Адзначаецца, што праверкі праводзілі незалежна ад таго, як доўга кіроўцы былі за межамі Беларусі.