Арына Сабаленка гуляла ў фінале Адкрытага чэмпіянату ЗША, а з 11 верасня яна ўжо першая ракетка свету. Ніжэй зрабілі для вас падборку галоўных фактаў у кар’еры 25-гадовай беларускай тэнісісткі.
13 турніраў пад эгідай Жаночай тэніснай асацыяцыі (WTA) выйграла Сабаленка ў адзіночным разрадзе за кар’еру.
3 турніры яна выйграла сёлета. Беларуска перамагла на Australian Open у Мельбурне (турнір серыі «Вялікага шлема»), у Адэлаідзе (спаборніцтвы катэгорыі WTA-500) і Мадрыдзе (WTA-1000).
50 матчаў з 61 Арына выйграла ў 2023-м. Яна ўпершыню пераадолела адзнаку ў 50 перамог за год.
20 гадоў было Сабаленка, калі яна выйграла першы турнір. Гэта адбылося ў жніўні 2018 года ў амерыканскім Нью-Хейвене (WTA-500).
6 перамог на рахунку Сабаленка ў кар’еры ў парным разрадзе.
1,5 мільёна даляраў (да выліку падаткаў) тэнісістка зарабіла за траплянне ў фінал US Open — 2023. А самыя вялікія прызавыя за турнір, якія пакуль атрымала беларуска, — 2,1 млн даляраў пасля Адкрытага чэмпіянату Аўстраліі.
19,5 мільёна даляраў зарабіла Арына прызавымі за ўвесь час выступаў. З іх толькі сёлета — 7,4 млн.
2019 год — час, калі Сабаленка ўпершыню трапіла ў топ-10 рэйтынгу падчас сезона.
5-я пазіцыя была ў Арыны ў рэйтынгу па выніках мінулага года.
990 000 падпісчыкаў было ў Сабаленка ў Instagram на 11 верасня. Для параўнання: у Вікторыі Азаранкі іх 734 тысячы, у полькі Ігі Свёнтэк, якую Арына зрушыла з вяршыні рэйтынгу, — 1,3 млн.