Беларуска Марыя Місевіч уразіла суддзяў на адборы конкурсу Top Model Polska. Дзяўчына прайшла ў 13-ы сезон і трапіла ў дом «Top Model». Цяпер ёй трэба будзе змагацца з іншымі канкурсанткамі, каб прабіцца ў фінал, піша MOST.
Марыі 23 гады, яна жыве ў Варшаве. Беларуска прыехала вучыцца ў Польшчу ў 2019 годзе.
Падчас кастынгу Марыя расказала суддзям, што на конкурс трапіла выпадкова.
— Гэта пранк, які выйшаў з-пад кантролю, — сказала беларуска.
Марыя не замужам, і гэта выклікала здзіўленне суддзяў. Дзяўчына лічыць, што ў яе складаны характар:
— Гэта мой кашмар. Я не хачу замуж. Я складаны чалавек для адносін. Мужчыны часам баяцца мяне. Гэта такі фільтр. Потым праходзяць наймацнейшыя.
На ўдакладняльнае пытанне суддзяў, ці ёсць на прыкмеце нейкі хлопец, Марыя адказала, што ёсць адзін у Беларусі.
— Маша, нельга цябе не запомніць. І гэта вельмі важная рыса. Прыгожых жанчын вельмі шмат, прыгожых целаў вельмі шмат, але Маша адна, — сказала сябра журы Кася Сакалоўская.
— Што за дынаміт! — ахарактарызаваў дзяўчыну Давід Валіньскі.
— Яшчэ такой бомбы ў жыцці ў нас не было, — дадала яшчэ адна суддзя Ёана Крупа.