Падтрымаць каманду Люстэрка
Беларусы на вайне
  1. Ці быў у зніклай Анжалікі Мельнікавай доступ да спісаў тых, хто данаціў НАУ, і іншай важнай інфармацыі? Даведаліся ў Паўла Латушкі
  2. Даведаліся з непублічнага дакумента, колькі медыкаў не хапае ў Беларусі (і як чыноўнікі навучыліся хаваць гэтую лічбу)
  3. «Дарога ў адзін канец». Дзейны афіцэр расказаў «Люстэрку», што ў арміі Беларусі думаюць пра вайну з NATO і Украінай
  4. Аказваецца, у СІЗА на Валадарскага былі віп-камеры. Расказваем, хто ў іх сядзеў і ў якіх умовах
  5. «Бондарава — тыповы хунвэйбін». Чаму ў Беларусі рэпрэсуюць прарасійскіх актывістаў?
  6. В Кремле усилили риторику о «первопричинах войны»: чего там требуют от Трампа и что это будет означать для Украины — ISW
  7. Урад укараняе новаўвядзенні ў рэгуляванне цэн — што змяняецца для вытворцаў і гандлю
  8. Трамп ввел в США чрезвычайное положение из-за торгового баланса
  9. «Да, глупо получилось». Беларусы продолжают жаловаться в TikTok на трудности с обменом валюты
  10. У беларусов есть собственный русский язык? Вот чем он отличается от «основного» и что об этом говорят ученые
  11. Похоже, мы узнали реальную численность населения Беларуси. И она отличается от официальной статистики
  12. Дэпутаты прынялі падатковае новаўвядзенне. Расказваем, у чым яно заключаецца і каго датычыць
Читать по-русски


У Мінску 11 траўня абвясцілі прысуд палітзняволенаму заснавальніку крамы нацыянальнай сімволікі Symbal.by Паўлу Белавусу, які абвінавачваўся па шэрагу артыкулаў Крымінальнага кодэкса, перадае БЕЛТА.

Відэа: MLYN.by

Паўла прызналі вінаватым у здрадзе дзяржаве, арганізацыі і падрыхтоўцы дзеянняў, якія груба парушаюць грамадскі парадак, закліках да захопу дзяржаўнай улады і кіраўніцтве экстрэмісцкім фарміраваннем. Суд прызначыў яму 13 гадоў пазбаўлення волі.

Справа разглядалася ў закрытым рэжыме.

Для дапамогі сям'і Паўла на платформе BYSOL адкрыты збор сродкаў.

Нагадаем, што, паводле следства, Павел Белавус «цягам дзесяці гадоў вёў актыўную дзейнасць, скіраваную на змену дзяржаўнай улады неканстытуцыйным шляхам». Дзяржабвінаваўца раней запэўніваў, што «ў 2011 годзе абвінавачаны для пошуку аднадумцаў пачаў трансляваць патрэбную яму інфармацыю ў масы».

«Пад выглядам культурна-гістарычнага развіцця ў розных агульнадаступных сацыяльных сетках і на сайтах ён распаўсюджваў ідэі беларускага нацыяналізму, мэтай якіх была змена дзяржаўнай улады ў Беларусі. Абвінавачаны зарэгістраваўся ў якасці індывідуальнага прадпрымальніка і заснаваў таварыства з абмежаванай адказнасцю (крама па анлайн- і афлайн-продажы тавараў), пасля чаго пачаў праводзіць розныя масавыя мерапрыемствы», — цытавала БЕЛТА дзяржабвінаваўцу Паско.

Следства прыйшло да высновы, што Павел Белавус падпісаў не менш за 12 дамоваў з рознымі замежнымі прадстаўнікамі і кампаніямі і «стымуляваў варожасць суайчыннікаў у дачыненні да радзімы».

«Сваімі злачыннымі дзеяннямі Павел Белавус цягам дзесяці гадоў ставіў пад пагрозу знешнюю і ўнутраную бяспеку дзяржавы. За гэта ён атрымаў ад замежных спонсараў больш за 150 тысяч даляраў, 50 тысяч еўра і 40 тысяч злотых. На хвалі пратэснага руху ў 2020 годзе фігурант выйшаў на новы ўзровень. Распрацаваўшы інфармацыйную прадукцыю, у тым ліку фота і відэа, ён рыхтаваў грамадзян да ажыццяўлення самых радыкальных дзеянняў. У некаторых памятках змяшчалася інфармацыя пра выплату ганарару за ўдзел у вулічных беспарадках. Акрамя гэтага, ён знаходзіўся ў назіральнай радзе і браў удзел у кіраўніцтве экстрэмісцкага фармавання „Беларуская Рада Культуры“», — запэўнівала БЕЛТА.

Нагадаем, стваральніка Symbal.by і Паўла Белавуса затрымалі 15 лістапада 2021 года пасля выкліку ў міліцыю. Затым яго тройчы судзілі па «адміністрацыйцы», а пазней перавялі ў СІЗА ўжо па крымінальнай справе.