Аляксандр Лукашэнка памілаваў 15 асуджаных. Адпаведны ўказ быў падпісаны 24 студзеня, паведамляе яго прэс-служба.
Памілаваныя пяць жанчын і трое мужчын, якія ўчынілі злачынствы «экстрэмісцкай» скіраванасці. У пяцярых з іх ёсць дзеці, адна жанчына цяжарная.
Акрамя таго, ён памілаваў сем чалавек (з іх трох жанчын), асуджаных за незаконны абарот наркатычных сродкаў. Шэсць з іх здзейснілі злачынствы ў няпоўнагадовым узросце. У аднаго асуджанага, які здзейсніў злачынства ў дарослым узросце, знайшлі анкалагічнае захворванне.
Іх імёны традыцыйна не называюцца.
За апошні год былі памілаваныя 293 чалавекі (у іх ліку — 89 жанчын, 17 чалавек, якія ўчынілі злачынствы ў няпоўнагадовым узросце), адзначае яго прэс-служба.