Намеснік міністра жыллёва-камунальнай гаспадаркі Андрэй Рамашка паведаміў, што гэтай зімой камуналка ў беларусаў вырасце ненашмат — усё дзякуючы жорсткаму рэгуляванню тарыфаў, піша БЕЛТА.
Паводле словаў Андрэя Рамашкі, у Беларусі дзейнічае жорсткая дзяржаўная палітыка ў сферы цэнаўтварэння і тарыфная палітыка падчас фармавання кошту паслуг ЖКГ. Дзякуючы гэтаму ўзровень аплаты жыллёва-камунальных паслуг у сукупным памеры даходаў сям'і захоўваецца невысокім.
Што да блізкага ацяпляльнага перыяду, то ў краіне ўжо доўгі час дзейнічае патрабаванне наконт столі штогадовага павышэння кошту тарыфаў на жыллёва-камунальныя паслугі — гэта палова адной базавай велічыні на год (на сёння гэта 18,5 рубля).
— Вышэй за гэты кошт на стандартную двухпакаёвую кватэру з двума грамадзянамі, якія там пражываюць, павышаць тарыф нельга. З улікам павышэння цаны на цеплавую энергію, якая павялічылася з 1 чэрвеня, цана за ЖКП, уключаючы ацяпленне, у стандартнай двухпакаёвай кватэры плошчай 48 м² з двума грамадзянамі, якія там пражываюць, будзе складаць каля 153 рублёў. Летась гэтая сума была прыкладна 140 рублёў, — адзначыў Андрэй Рамашка.
Нагадаем, у чэрвені павысілі тарыфы на ацяпленне.
Чытайце таксама
