Батальён «Волат» палка Каліноўскага пад Бахмутам панёс страты. Як паведаміла прэс-служба палка, адзін баец загінуў, некалькі атрымалі раненні.
— Яшчэ чацвёра на гэты момант лічацца зніклымі без вестак. Аднак яны дакладна не ў палоне, — паведаміла спікер палка.
У палку падкрэслілі, што агучваць падрабязнасці аперацыі яны не могуць, прозвішчы загінулага і зніклых байцоў не называюць з меркаванняў бяспекі.
— Яшчэ некалькі байцоў атрымалі раненні рознай ступені цяжкасці. Цяпер іх жыццю нічога не пагражае.
Нагадаем, у Беларусі па факце стварэння палка Каліноўскага распачатая крымінальная справа, ён прызнаны «экстрэмісцкім фарміраваннем».
