Ватыкан выдаў дэкларацыю, якая адкрывае магчымасць бласлаўляць аднаполыя пары, але «без якой-кольвек рытуалізацыі або стварэння ўражання шлюбу», паведамляе прэс-служба Каталіцкай царквы.
«Можна бласлаўляць пары ў нестандартных сітуацыях і пары аднаго полу, не пацвярджаючы тым самым афіцыйна іх статус і не змяняючы якім-кольвек чынам даўняе вучэнне царквы пра шлюб», — гаворыцца ў дэкларацыі.
Папа Рымскі Францішак, які адсвяткаваў напярэдадні свой 87-ы дзень нараджэння, ухваліў гэтае рашэнне. У лютым 2021 года рэлігійны орган Ватыкана абвяшчаў, што блаславенне гомасэксуальных пар у каталіцкай царкве немагчымае.